A aparición de
" Birimbao. Poemas de mí para ti (1937-1939) "
supón un verdadeiro acontecemento literario. Esta obra de Celso Emilio Ferreiro desvélanos como é a poesía que o autor de Celanova ideou e escribiu ao longo da guerra civil e axúdanos a entender a xénese da súa expresión poética, que nunca abandonou.
Xavier Ferreiro Loredo, fillo de Celso Emilio, mergúllanos nos poemas para analizalos desde unha óptica persoal, organizándoos en tres partes «Poesía de parapeto», «Birimbao: poemas de mí para ti» e «Memorias de mis caminos». O libro tamén incorpora documentos en prosa de Celso Emilio Ferreiro e sobre Celso Emilio Ferreiro, froito dun proceso de intensa pesquisa en arquivos e hemerotecas, e inclúe ademais diversos apéndices documentais e fotográficos. Corenta anos despois do falecemento do autor de
" Longa noite de pedra " , este libro confirma que esa luz da súa poesía, «o lume que alampea», leva inserida unha forza tan enorme que é capaz de transcender o tempo.

Obra narrativa contén os dous únicos libros de ficción en prosa que publicou Celso Emilio Ferreiro, agora reunidos nun único volume: A ftonteira infinda (1972) e A taberna do galo (1978). Ambos os dous permiten coñecer moito máis a fondo o grande autor que foi Celso Emilio, defensor dos homes e da humanidade, fustrigador sempre da inxustiza en calquera das súas caras. Este é tamén o espírito que caracteriza as súas obras en prosa.A ftonteira infinda (1972) é un libro de relatos tremendamente orixinais, de anécdota americana; e as divertidas páxinas de A taberna do galo (1978) compúxoas o autor con fragmentos tirados dun libro que nunca rematou.Obra narrativa, en edición de Mónica Góñez, ofrécelles aos lectores a prosa dun dos escritores máis intensos e deslumbrantes da literatura galega.

Poesía galega completa reúne toda a obra poética en galego de Celso Emilio Ferreiro, reproducida dun xeito fiel nesta coidadosa edición a cargo do crítico Ramón Nicolás, desde os primeiros versos de Cartafol de poesía ata o seu derradeiro e póstumo Libro dos Homenaxes, pasando por poemarios clásicos da nosa literatura que reafirman os logros estéticos de Celso Emilio: O soño sulagado, Longa noite de pedra, Viaxe ao País dos Ananos ou Onde o mundo se chama Celanova. Esta edición enriquécese cun importante número de composicións inéditas que converten este volume nunha proposta actual para redescubrir a un poeta singular e irrepetible.

Celso Emilio Ferreiro (Orense, Celanova 1914 - Madrid 1979) desde sus primeros poemas ya anuncia algunas constantes poéticas que van a ser esenciales a lo largo de su obra: inconformismo, soledad, dolor y angustia existencial. Y para ello utiliza un lenguaje claro y muy cuidado que enlaza con la tradición satírica gallega medieval por su ironía y humor. En la antología que hoy presentamos están visibles todos estos conceptos y en ella podemos encontrar la mejor poesía del que sin duda es el más influyente y admirado poeta gallego de las últimas generaciones.
Edición y traducción de Vicente Araguas. Edición biingüe.

Longa noite de pedra (1962) é unha das obras claves para entender a nosa literatura contemporánea: libro emblemático e referencia obrigada de toda unha época e de hoxe. Celso Emilio Ferreiro (Celanova, 1912-Vigo, 1979) acada nestas páxinas algúns dos seus momentos máis intensos, brillantes e conmovedores. A eficacia da comunicación poética, a forza da súa palabra, a autenticidade do sentimento e a procura en cada caso da expresión máis directa e sentida para o corazón humano fan que estes poemas atesouren un valor universal e, á vez, sexan unha crónica intransferible dun tempo decisivo.

?Viaxe ao País dos Ananos? de Celso Emilio Ferreiro foi recibido no seu día con polémica polo duro ataque que representaba para certo sector da emigración. Estes versos seguen hoxe plenamente vixentes pola súa denuncia da desigualdade social e o seu rexeitamento do racismo, amais de polas súas reveladoras reflexións de tipo existencial e a súa lírica de xorne evocador e intimista. A presente edición de Armando Requeixo, con prólogo de Xesús Alonso Montero, incorpora un capítulo biográfico que constitúe unha das máis amplas achegas publicadas ata o de agora neste eido. De por parte, analízanse tamén as complexas circunstancias epocais e literarias nas que a obra viu luz e as principais liñas que a caracterizan e fan dela un clásico moderno.

Semblanzas, crónicas e artigos é a compilación dunha parte fundamental dos artigos de prensa de Celso Emilio Ferreiro: deliciosos textos que o autor publicou no Faro de Vigo ao longo de trinta anos; unha parte baixo o epígrafe de <>. Son páxinas cargadas de tenrura e de ironía que Ferreiro quixo publicar en forma de libro pero nunca puido; agora, por primeira vez, ven a luz na súa totalidade. O libro tamén recolle un novidoso conxunto de crónicas sorprendentes sobre o Camiño Portugués, ademais de artigos en que Celso Emilio revela claves da súa vida e da súa obra e nos achega aos seus lugares, á literatura, á política e á sociedade do seu tempo, e tamén á gastronomía, á cartomancia, etc. Unha edición prologada e disposta polo profesor e crítico literario Ramón Nicolás, un dos maiores especialistas na obra do autor celanovés, tamén responsable da súa Poesía galega completa.

• ISBN: 8473395816 / 9788473395816
• Estado: Bueno.
• Edición bilingüe galego / castellano.

«Ser de un tiempo y un país. He ahí el secreto de la poesía más humana y verdadera.» (Salvatore Quasimodo).